22 октябри соли 2026 | ноҳияи Данғара

Директори Муассисаи давлатии «Дирексияи сохтмони иншооти ҳукуматӣ»-и Дастгоҳи иҷроияи Президенти Ҷумҳурии Тоҷикистон Саъдуллозода Суҳроб Файзалӣ аз рафти корҳои сохтмонии иншооти «Сохтмони Донишгоҳи давлатии тиббии Хатлон дар ноҳияи Данғара» (бинои хобгоҳи №1 барои донишҷӯён) боздид ба амал овард.

Зимни боздид ба сифати корҳои сохтмонӣ, риояи талаботи меъёрҳои техникӣ ва иҷрои саривақтии корҳои пешбинишуда таваҷҷуҳи махсус зоҳир гардид.

Бунёди хобгоҳи замонавӣ барои фароҳам овардани шароити мусоиди зисту таҳсили донишҷӯён ва омода намудани мутахассисони баландихтисоси соҳаи тиб заминаи муҳим мегузорад.